Në Seul të Republikës së Koresë, në margjinat e Global AI and Digital Summit 2026, Ministri Lulëzon Jagxhiu zhvilloi një takim me Dr. Avinash Ramtohul, Ministër i Teknologjisë së Informacionit, Komunikimit dhe Inovacionit të Republikës së Mauriciusit.
Gjatë takimit, shkëmbyen përvoja mbi zhvillimet dhe prioritetet e Kosovës dhe Mauriciusit në fushën e transformimit digjital, inteligjencës artificiale dhe inovacionit teknologjik. Diskutuan gjithashtu për sfidat e përbashkëta në avancimin e këtyre fushave, me fokus në zhvillimin e zgjidhjeve digjitale, ngritjen e kapaciteteve institucionale dhe zbatimin e teknologjive të reja.
Takimi shërbeu për të identifikuar fusha me interes të përbashkët dhe mundësi për forcimin e bashkëpunimit ndërmjet Kosovës dhe Mauriciusit, duke ndarë perspektivat e dy vendeve për shfrytëzimin e teknologjisë dhe inteligjencës artificiale në funksion të zhvillimit ekonomik dhe përmirësimit të shërbimeve publike.
