Ministri Lulëzon Jagxhiu, priti në takim Drejtorin e Përgjithshëm të Administratës Tatimore të Kosovës, z. Mentor Hyseni, me të cilin diskutuan për forcimin e bashkëpunimit ndërinstitucional në funksion të avancimit të këtij transformimi.
Gjatë takimit u theksua rëndësia e bashkëpunimit dhe koordinimit ndërmjet Ministrisë së Digjitalizimit dhe Administratës Publike dhe ATK-së, veçanërisht në zbatimin e vizionit, strategjisë dhe standardeve mbarëqeveritare të digjitalizimit në proceset dhe shërbimet e ATK-së.
Fokus i diskutimit ishin edhe shtyllat kryesore të e-Qeverisjes ku pritet bashkëpunim i ngushtë, duke përfshirë interoperabilitetin, platformën eKosova dhe zhvillimin e shërbimeve të integruara bazuar në ngjarje jetësore.
Këto fusha janë thelbësore për të siguruar që shërbimet që u ofrohen qytetarëve dhe bizneseve të jenë sa më proaktive, të personalizuara, efikase dhe gjithpërfshirëse.
