Profesionalizimi i administratës publike: Merita, aftësitë, mësimi digjital dhe mbajtja e talenteve
Paneli i parë i konferencës ndërkombëtare KosovaPAR 2026 iu kushtua profesionalizimit të administratës publike, me fokus te meritokracia, zhvillimi i aftësive profesionale, mësimi digjital dhe mbajtja e talenteve në institucionet publike.
Paneli u moderua nga Vehap Hashani, u.d Drejtor i Departamentit për Menaxhimin e Zyrtarëve Publikë në Ministrinë e Digjitalizimit dhe Administratës Publike. Në panel kontribuuan João Resendes, Drejtor i Bashkëpunimit dhe Komunikimit në Institutin Kombëtar të Administratës në Portugali; Jean-Louis Rocheron, Këshilltar Ndërkombëtar në Expertise France; dhe Jacques Roudière, ish-Drejtor i Burimeve Njerëzore në Ministrinë e Mbrojtjes të Francës.
Diskutimet trajtuan rëndësinë e rekrutimit mbi bazën e meritës, zhvillimit të vazhdueshëm profesional dhe forcimit të kapaciteteve për të tërhequr e mbajtur profesionistë të kualifikuar në administratën publike.
Diskutimet në kuadër të KosovaPAR 2026 po vazhdojnë edhe sot, me tema që lidhen me sfidat dhe prioritetet e reformës së administratës publike, përmirësimin e shërbimeve për qytetarët dhe përdorimin e zgjidhjeve digjitale në punën e institucioneve.
KosovaPAR 2026 organizohet nga Ministria e Digjitalizimit dhe Administratës Publike e Republikës së Kosovës.
