Ministri i Digjitalizimit dhe Administratës Publike, Lulëzon Jagxhiu, po merr pjesë në takimin ministror “People4Europe – Nga reforma drejt gatishmërisë”, i cili po mbahet në Budvë, në kuadër të kryesimit të Malit të Zi me Procesin e Berlinit.
Ministrat e rajonit po trajtojnë reformat në administratën publike me fokus në rritjen e efikasitetit, transparencës dhe llogaridhënies.
Po synohet forcimi i bashkëpunimit rajonal dhe avancimi i rrugës së përbashkët drejt integrimit në Bashkimin Evropian.
Qëllimi është ndërtimi i institucioneve më efikase, transparente dhe të qëndrueshme, që i shërbejnë qytetarëve dhe plotësojnë standardet evropiane.
