Departamenti për Buxhet dhe Financa

Detyrat dhe përgjegjësitë e Departamentit për Buxhet dhe Financa janë:

• Menaxhon dhe mbikëqyr procesin e planifikimit të buxhetit dhe parashikimeve financiare në koordinim me njësitë administrative të Ministrisë dhe përcjell realizimin e tij në vazhdimësi.
• Përgatit propozimet buxhetore dhe Kornizën Afatmesme të Shpenzimeve në koordinim me njësitë administrative të Ministrisë; kryen planifikimin buxhetor për të gjitha programet e Ministrisë, si dhe ndihmon njësitë administrative të Ministrisë dhe agjencitë në përgatitjen e Kornizës Afatmesme të Shpenzimeve dhe kërkesave buxhetore.
• Përgatit propozimet buxhetore me rastin e procesit të rishikimit buxhetor, duke u bazuar në kërkesat e njësive kërkuese për ridestinim të mjeteve nga një kategori ekonomike në një kategori tjetër, sipas ligjeve në fuqi.
• Siguron që shpenzimet dhe lëvizjet buxhetore e financiare të bëhen në përputhje me rregullat dhe procedurat e menaxhimit të financave publike.
• Përgatit dhe monitoron rrjedhën e parasë, llogaritë, transaksionet dhe parametrat e tjerë financiarë që tregojnë performancën financiare të Ministrisë.
• Raporton mbi rezervat e parasë dhe siguron që kontrolli i brendshëm financiar të jetë i bazuar në parimet e llogaridhënies.
• Përgatit pasqyrat financiare përfundimtare të Ministrisë.
• Raporton mbi ekzekutimin e buxhetit në mënyrë periodike.
• Në bashkëpunim me njësitë administrative, bën kostimin e politikave të reja.

Drejtori i Departamentit për Buxhet dhe Financa raporton te Sekretari i Përgjithshëm. Në kuadër të Departamentit për Buxhet dhe Financa bëjnë pjesë divizionet:

• Divizioni për Planifikimin dhe Monitorimin e Buxhetit
• Divizioni i Ekzekutimit të Buxhetit dhe Raportimit

Drejtori i Departamentit për Buxhet dhe Financa njëkohësisht është edhe Zyrtar Kryesor Financiar, i cili menaxhon financat publike në përputhje me legjislacionin në fuqi.